Lang na ahapkon panorang mardalan, hita dob manadingkon tahun 2009. Sonari hita dob ma memasuki tahun na baru, tahun 2010. Podas do hansa pangahap lopus ari hu ari, minggu hu minggu, bulan hu bulan ronsi tahun hu tahun. Nai do homa age bani horja I kuria in, lang na hojabkon salosei ma hape periode 2005-2010. Masukionta ma periode 2010-2015. Nai do homa age umurta hun tanoh on, songon na hinatahon ni dodingta “satahun use ma surutni, surut homa ma umurhin”. Isungkunhon do homa bani doding ai, “naha do ahu na saindokahni, margagan do palahouhin?”.Anggo na renungkon doding on manggora do pangahap. Naha do tongon ahu na saindokah, aha ma na dob hubahen bani na satahun in? Aha ma na huhorjahon ibagas na saperiode I Kuria in? Gabe sadar diri, buei do tongon panorang na soya, lang na gunahon romban bani harosuh ampa pandilouon ni Tuhan in. Ibere Naibata do panorang banta bani na dob salpu in, tapi dong do bokas na tinadingkonta bani na satahun bolon in, nai homa age ibbani na saperiode bani na dob salpu in? Aha ma na hubahen bani diringku, bani keluarga, gereja ampa bani hasomanku jolma? Dear do tongon maruji-ruji hita bani bona ni tahun on? Tapi ingat hita, panorang na dob salpu lang tarulaki be. Atap dong pe pangahapta na lepak sihol sasaponta, lang tartypex be ai. Anggo lalap hita mangkawah hupudi bani panorang na dob lopus lang na boi mulak ai be. Dong do ungkapan mangkatahon “tidak ada masa depan pada masa lalu”. “Masa lalu anda tidak dapat diubah, tetapi anda dapat mengubah hari esok Anda dengan tindakan hari ini”.
Hita lang boi jumpahan ari patar na lebih baik anggo hita lalap marpingkir pasal ari na dob lewat. On na berarti masa depan, ari hulobeian on, ai mando panorang banta memperbaiki hidup. Ase anggo adong ibere banta panorang pakei ma ai sadear-dearni. Ulang soya sagala panorang na ondos banta. Maksudni ijon tarmasuk anggo ibere banta panorang marhorja, melayani, sebagai pengurus pakon satorusni, pakei hita ma ai sadear-dearni ilobei ni Tuhan in. Halani marpanorang do haganup, anjanah panorang ai dong sintikni, lang satorusni banta ai. Patar panorang air ra lang banta be, ra ma bani halak na legan. Hubani kepengurusan na terpilih I Kuria in, sonai age syamas, ronsi pandita, sintua pakon tohonan na legan na adong banta, pakkei ma pargunahon hita panorang na dob ondos banta. Hubani na lang tapilih be, naha bahenon, halani marpanorang do haganup, ai berarti lang panorangta be santorap on. Panorang sanggah hita dob ma salpu. Panorang sebagai aha na ondos banta nuan aima homa gunahon hita sadear-dearni. Romban hubani haganupan in, tonggohon hita ma haganup rapat-rapat, sinode jemaat, sinode resort, ronsi sinode bolon na sihol sipamasaon banta ibagas tahun on.
Ibagas bulan Januari on sandiri pamasaon do sidang Majelis Pandita amap Sidang Majelis Penginjil GKPS sonai pakon rapat-rapat i Kuria, periode seksi bapa, wanita ampa pengurus sekolah Minggu. Panorang na maharga do in. Halani ai iporluhon keseriusan, ase ulang dong panorang sa soya, tapi boi ai sebagai langkah awal kedepan manuju pelayanan na lebih baik I Kuria in. Ai usih do ai songon halak na marlumba lari ondi, sompat salah start bani finish pe ra ma tarlambat. Anggo sonai tiap pribadi hati dear ma ibagas na hobas mamakeihon ganup panorang na binere ni Tuhan in banta, andohar marhiteion ni ai lambin tarambilan goranNi. Ingat hita ma, marpanorang do haganup, dong panorang marhorja, mangan, mangidangi, pakon satorusni. Sonari ibere Tuhan banta panorang tahun 2010 on, pakei hita ma in ibagas na marpangarapan, sai na hasomananNi do hita ronsi ujung ni tanoh on. Amin.
Ditulis oleh: Pdt. Donald/editor AB GKPS
0 komentar