Anggo domma marsiakuan sidea pasal banggal ni partadingani laho ma si Adam mangayaki anak boru jabu ni, Jojorma ipatuga padan ni ronsi das bani golomon pinindo ni boru. Si Bunga pe melapor ma ia bani anak boru jabu ni laho patugahkon ai. Dob honsi umbuk riah ni anak boru jabu, si Adam pakon namatoras ni ipaikkat ma barang-barang na bane golomon ai.
Bani panorang pakon ianan na tinontuhon (asalma ulang i rumah ni si Bunga) mardomu ma sidea na lima. Si Adam pakon anak boru jabu ni si Bunga pakon anak boru jabu ampa siholang.
Ipaherbang ma gotong i bagas ma golomon, isurduk hon anak boru jabu ni si Adam ma bani boru on parlobei demban sayur dob honsi ai goloman lanjar isahapkon ma:
"Aima da botou, ijon hu padas do bamu ugasni atturang appa tulang tanda jotih ni padan nasiam na ra do ham hape mangkaholongi ambia on. Ibagas on do homa sada pisou badik, sai ulang be dong padan na simber hanjon hu atas."
Dob honsi ijalo sinaboru golomon ai, isurduk hon ma homa demban ni rap pakon hiou sorpih (lang isabingkon) irik ma homa ihatahon:
"On ma hioumu botou tanda tongon ni uhur hu bamu."
Sanggah panorang on ma i buhul ari pajabu parsahapan. Porlu do dingaton ni puang-puang, dob honsi manjalo golomon ibatasi ma pargaulanni sama namaposo, sonai age dalahi.
Catatan:
- Bani panorang sonari on, atap pe lang tarpabagit-bagit be songon turpa ni golomon sapari halani ngalutma buaton bahan ni deba, tapi sai na ulang ma lang na bean hapilinan ni tanda tongon ni parpadanan anjaha na itatang ni namatua. Anggo domma matua ban-han, matua ma baluhur; anggo domma matua badan matua ma pakon uhur.
- Sonari on dong do tarjadi halani porluni panorang pakon inganan padaoh-daoh dob umbuk riah ni namapaso laho marhajabuan ipatugah si dalahi hubani namatoras ni sonai homa si naboru ipatugah bani namatoras ni. Mintor roh do langsung orang tua ni si dalahi hu rumah ni orang tua ni si naboru (iboan siluahi: roti/buah). Bani panorang ai ma ipatugah riah ni niombah na dob dong maksud ni laho marhajabuan. Lanjar ijai ma homa masielekon pasal partadingan, pesta pakon panorang pajabu parsahapan pakon paralop.
0 komentar