Ilimbagahon do anak boru jabu, tungkot bai na landit rigapan bai na golap na jadi basikah I tongah jabu diri. Napatorang ma sonaha do parbikkatni, sonaha homani tanggung jawab ni I tongah-tongah ni holmouan ni na marhade-hade.
Parbikkatni :
Isedo sidea anak boru na jadi sirajahononkon/ Anjaha sonaha do adatni siapatupao ni tondong laho manrajahon anak boru jabu ni?
Na margoran anak boru itongah jabunta ai ma : Mangkela diri, dos ma ai pakon niombah ni dalahi, agepe lang mangulaki (panogolan ni bapa diri).
Ango marsura-sura pajonamkon atappe manrajahon anak boru jabu ningon sitodohan ma sahalak humbani ginopparni makkela diri, tinubuhkonni amboru diri. Parini lang dong itubuhkon amboru ai anak dalahi aipe ase manirpang hubnai niombah dalahi ginoppar ni sanina ni amboru diri.
Ango marsura-sura pajonamkon atappe manrajahon anak boru jabu ningon sitodohan ma sahalak humbani ginopparni makkela diri, tinubuhkonni amboru diri. Parini lang dong itubuhkon amboru ai anak dalahi aipe ase manirpang hubnai niombah dalahi ginoppar ni sanina ni amboru diri.
Anggo boru abingan seng ongga masa ai, legan ma anggo “na buei so piga” do diha-dihani. Soai homa do age hubani anak boru mintori na soboi do ai rajahonkon jadi anak boru jabu diri.
A. ADAT PAKON ATURAN MANRAJAHON ANAK BORU JABU
Bani sada panorang iontang tondong ma haganupan anak boruni ase girah roh hu jabuni. Iontang ma homa tutur sanina pakon tondongm. Lang pala jojor ontangon, sukkupma wakil-wakil ni tondong pakon sanina. Porlu dingaton, anggo hundulanni sagala anak boru ningon i talaga do (hampit labah).
Pasirsironni suhut bolon ma: sada dayok sabungan na niholati + sada dayok boru-boru na niloppah; dua lambar hiou “ragi panei” atap hiou tapak satu,sada hiou suri-suri (hadang-hadangan) ampa sada bulang, pisou parhobas.
Dob honsi ranggi parhundul, manurduk demban tangan-tangan ma sahalak inang humbani bagian hasuhuton. Parlobeima ai bani boru na laho sirajahononkon ai pe ase bani na legan riris dapotan. Saloseihonsi ai marsahap ma iang humbani hasuhuton sonon :
“Domma nongkan itangkap nasibesan demban sayurnami ai, sai sayur ma hita tapang martondong maranakboru, horas torkis ulang mahua-mahua itumpak Naibata, sonai age amboru ni dakdanak on” siap namarsahap silukma i surdukkon inang dayok na dob binatur, naniholatan bani besan, naniloppah bani inang nalaho sirajahononkon ai, pakon indahan dua bal-bahul na ibaluti bani saputangan pinolang-polang.
(to be continued...)
Thanks :)
--
http://www.miriadafilms.ru/ приобрести фильмы
для сайта gkpsdenpasar.blogspot.com