Napatorang ma use batta jujurni tutur ibagas holmouan ni namardiha-diha. Humbani tutur holmouan on do boi taridah sonaha turpani / sogihni pardalan adat i tongah jabu ni hita Simalungun :
1.Ompung nini = bapa ni ompung diri
2.Omp. Martinodohon = marsanina ompung diri
3.Ompung dalahi = Bapa ni bapa diri, anggo ompung si naboru dong do na manggoran inang tutua.1 piga-piga daerah bapani/inangni inang diri isobut
4.Bapa Tua = Abang ni bapa diri.Adong do homa I piga-piga daerah I Simalungun na manobut bapa godang.
5.Bapa godang = Abangni bapa diri, Adong do homa I piga-piga daerah I Simalungun na bapatua
6.Ina tua / gadong = Binuat ni bapa godang atappe abang ni inang diri tapi naboru ia.
7.Bapa tongah = Siditongah partubuhni mangihutkon bapa / inang, Bani binuatni marinang tongah ma diri
8.Bapagian = Anggini bapa diri (Adong do na manggoran bapa anggi).Bani binuatni marinang gian/ inang anggi ma diri.
9.Sanina Sapanganonkon = martinodohkon diri saamang sainang/ sapanrut-rutan atappe sanina bapa atap oppung/oppung nini parsadaan diri atapsamorga. tulang ni hela diri, marsanina inang diri
10.Sepanganonkon = tulang ni hela diri, marsanina inang diri
11.Pariban = Sapambuatan diri atappe marsanina binuat diri.
12.Tondong bolon/jabu = Pambuatan diri kandung, orangtua atapp. botou ni binuat diri (Tulang pamupus ni niombah diri)
13.Tondong pamupus = Botou ni inang diri (Namamupus diri)
14.Tondong Bona = Tulang ni bapa diri (Na mamupus bapa)
15.Tondong mata ni ari = Tulang ni oppung diri (na mamupus oppung diri kandung)
16.Tondong ni tondong = Tondong ni tondong diri/tulang ni biniat diri
17.Tondong manghiut = Tondong mangihutkan diri.
Tondong mangihutkon saninani bapa diri atappe sanina diri (adong do manobut o tondong riap)
18.Anak boru jabu (ABJ) = Makkela diri na dob irajahon biasani makkela sikahanan, on ma ihut-ihutan ni sagala bora. Sipartanggung jawab, Ibani horja adat bani malas barang pusokni uhur.Adong do namanobut Anak boru sihabolonan.
19.Panogolan = anak ni botou diri atappe boru ni botou diri (ambulu do panogolan dungut pe anggo hela namanombaki).
20.Boru ampuan = namambuat boru diri. (marga na legan humbani panogolan diri).
21.Anak boru mitori = (ABM). Tubuh ni botou diri naboru, atappe namambuat panogolan diri naboru.
22.Anak boru mangihut = lawei marihutkon tutur botou atappe boru marhalahon ni sanina atap marhalahon ni inang.
23.Anak boru sanina = (ABS). Anak boru mintori na sarnargahon pakon diri. Janah adong do homa na manobut abs on gamot. Tugas pakon fungsini anak botu sanina boi gabe sanina, boi homa do gabe boru. Slabikkat jadi anak boru sanina aima humbani tutur sanina atappe sapanganonkon diri,anggo lang dong behunbani si biak boru(na bijak marsahap ampa mangatur).
0 komentar