Anggo batta Simalungun, tutur do patugahkaon pardohor atap pardaoh ni partalianni pardiha-dihaon (kekeluargaan). Napatugah ma ijon sonaha ragam ni partuturan ni:
A.Tutur Manorus (Tutur Langsung)
Ase urah arusanta patibalhon tutur ai, dirinta (personta) sandiri ma nabahen parbikkatni padalan tutur:
1.Ompung = Orang tua ni bapa atap inang diri, sanina ni bapa ni bapa/inang diri. Sapanganonkon ni oppung atappe paribanni oppung diri.
2.Bapa/Amang = Simada niombah bandiri (bapa kandung), adong do homa na manggoran Apa.
3.Inang = Simada niombah bandiri (ibu kandung).
4.Abang = Sikahanan partubuh ni hanbendiri.
5.Anggi = Sianggian partubuh ni hanbendiri.
6.Botou = Sanina diri tapi naboru ia.
7.Amboru = Botou ni bapa diri atappe botou sanina ni bapa diri atap botou paribanni bapa diri atap botou ni makkela diri. Anggo naboru diri, maramboru do diri bani inang ni halahoan diri atap amboru ni halahoan diri atap simatua ni na margaweihon diri.
8.Makkela = Bapa halahoan ni amboru diri atap sanina paribanni bapa, simatua ni botou banua diri atap suami ni amboru diri.
9.Tulang = Botou ni inang diri, orang tua/bapani binuat diri.
10.Anturang = Binuatni tulang, binuatni sanina ni tulang na sahaturunan sidea, inangni besan.
11.Parumaen = Binuatni anak diri, binuatni anakni sanina diri, marparumaen do homa amboru diri bani binuat diri age makkela diri. Marparumaen do homa diri bani boru ni botoni binuat diri.
12.Nasibesan = Binuatni botouni binuatni botouni saninani diri. Anggo naboru diri marbesan do bani na mambuat botouni binuatni halahoan diri.
13.Hela = Halahoanni boru diri barang boruni sanina atap pariban diri.
14.Gawei/Eda = Tururni naboru hubani binuatni botouni atap botou banua halahoan diri atap binuatni botou banua diri.
15.Lawei = Na mambuat botuo diri, na mambuat botou bani diri; atap halahoanni boruni amboruni binuat diri.
16.Botou banua = Boruni amboru diri. Anggo naboru diri marbotou banua ma diri bani anak ni tulang diri.
17.Pahompu = Niombah ni anak attape boru diri, atap anakni botou banua diri, atap anakni pariban diri.
18.Nono = Pahompu ni anak diri, adong do homa ipiga-piga daerah I Simalungun na manobut pahoppuni boru diri.
19.Nini = Pahompuni boru diri, adong do homa ipiga-piga daerah I Simalungun na manobut pahompunni boru diri.
20.Sima-sima = Niombahni nono atappe nini diri.
21.Siminik = Garis keturunan mando ijon janah biasani menyangkut hubani nilai religius.
0 komentar