Gok malas ni uhur do hita haganupan, halani rata hope pardingatta bani tahun baru. Tahun na baru aima tahun silayak-layak na humbani Tuhan maningon iisi marhitei bagei ni horja harosuhNi. Memang, momentum tahun baru somal do ipakei jolma gabe panorang laho manranggihon sekaligus mamungkahkon pahara-pahara na baru homa. Sipata harapan-harapan pahara na baru in irandu marhitei ungkapan-ungkapan dalam bentuk umpasa isarani sonon:
Ranggou bulung na pahu, pahi I parbuluhan,
Anggo jumpah ma tahun na baru,
Lanjar baru ma parsaorang ampa paruhuran.
Bani bulan Februari on, jumpah ma homa panorang periode banta I GKPS, secara khusus Pimpinan Majelis Jemaat, seksi-seksi sobalu pemuda, Pengurus Resort das hubani pemilihan Perutusan Sinode Bolon. Riap ampakon periode santorap on, mengacu ma homa hubani Tata Gereja ampa Peraturan Rumah Tangga GKPS, na baru iberlakuhon mamungkah bani bona ni tahun 2010 on.
Tongon, somal ma hita mangadobi periode-periode on. Tapi agepe hal na somal ningon masalah periode on, ningon do manat-manat hita bani musim-musim periode on Maningon gok bani tonggo do hita. Parsaorang pakon Tuhan maningon ioptimalhon hita do bani panorang periode on. Tongon ningon do homa hatahononta, sedo pitah sanggah ragat ni periode on mintor marloppit ganda gabe songon na “irappel” hita tonggonta. Halani ganup panorang do iarapkon ase gabe sipartonggo hita songon naioerihon bani 1 Tes 5:17 ai “totap martonggo”, bila penting ‘doa bareng’ pe lang mahua. Aima homa hitei bani kuria in mangoptimalhon relasi hubani Tuhan.
Optimalisasi relasi hubani Tuhan ihaporluhon tangkas, halani bani panorang periode on imungkinhon do “puar” humbani jolma biak-biak na lang iharosuhkon Tuhan. Merap janah imungkinhon bergerak do “lusifer-lusifer abad 21” laho manujumpahkon halak na boi mompan bani bujuk rayu ni. Maningon idingat hita ma homa, bahwa marpala-pala janah habis gas do ‘sipangagou’ in laho manohu sisorohonni. Hinorhon ni ai ma ase porlu tumang totap dohor hubani Tuhan, relasi pakonsi lang ongga marnarotap, parsaoranta pakon Tuhan ningon do na sonin, in ma mambahen periode ampa proses na terkait bani periode botul-botul ma marujuan hubani hadearon ampa hamajuon ni kuria.
Periode aima “sarana” ampa ‘panorang’ na boi pakeion ni gereja laho patorsahon pargoluhan ni kuria dalam artian holistic positif. Lambin torsa janah toras ma kurianta bani organisasi, aima ongga age haporsayaon hubani Tuhan. Maningon do homa pangkei pangarusion pasal on, halani haporsayaon lang dihut marperiode, torus do masa bakti ni haporsayaonta. Ase totap atap lang totap hita bani ‘jabatan’ i tongah-tongah ni kuria, hapongkutonta bani horja pangidangon I kuria maningon itumbuhkembankon hita. Halani sedo hubani jolma pertanggung jawaban utama pasal horjanta, tapi hubani Tuhan do. Tuhan Jesus mangkatahon, “Sedo hanima mamilih Ahu, tapi Ahu do na mamilih hanima”. Maningon jimot janah harga ma bahenonta pamilihon ni Tuhan najinalonta. Adong do ungkapan mangkatahon “election for service” artini ipilih ase mangidangi atap melayani. Jadi keterpilihanta botul-botul ma bermuara bani tanggung jawab, tanggung jawab vertical ampa horizontal. Selamat marperiode ma banta, Tuhanta mamasu-masu!
sumber:AB Februari 2010
Anggo jumpah ma tahun na baru,
Lanjar baru ma parsaorang ampa paruhuran.
Bani bulan Februari on, jumpah ma homa panorang periode banta I GKPS, secara khusus Pimpinan Majelis Jemaat, seksi-seksi sobalu pemuda, Pengurus Resort das hubani pemilihan Perutusan Sinode Bolon. Riap ampakon periode santorap on, mengacu ma homa hubani Tata Gereja ampa Peraturan Rumah Tangga GKPS, na baru iberlakuhon mamungkah bani bona ni tahun 2010 on.
Tongon, somal ma hita mangadobi periode-periode on. Tapi agepe hal na somal ningon masalah periode on, ningon do manat-manat hita bani musim-musim periode on Maningon gok bani tonggo do hita. Parsaorang pakon Tuhan maningon ioptimalhon hita do bani panorang periode on. Tongon ningon do homa hatahononta, sedo pitah sanggah ragat ni periode on mintor marloppit ganda gabe songon na “irappel” hita tonggonta. Halani ganup panorang do iarapkon ase gabe sipartonggo hita songon naioerihon bani 1 Tes 5:17 ai “totap martonggo”, bila penting ‘doa bareng’ pe lang mahua. Aima homa hitei bani kuria in mangoptimalhon relasi hubani Tuhan.
Optimalisasi relasi hubani Tuhan ihaporluhon tangkas, halani bani panorang periode on imungkinhon do “puar” humbani jolma biak-biak na lang iharosuhkon Tuhan. Merap janah imungkinhon bergerak do “lusifer-lusifer abad 21” laho manujumpahkon halak na boi mompan bani bujuk rayu ni. Maningon idingat hita ma homa, bahwa marpala-pala janah habis gas do ‘sipangagou’ in laho manohu sisorohonni. Hinorhon ni ai ma ase porlu tumang totap dohor hubani Tuhan, relasi pakonsi lang ongga marnarotap, parsaoranta pakon Tuhan ningon do na sonin, in ma mambahen periode ampa proses na terkait bani periode botul-botul ma marujuan hubani hadearon ampa hamajuon ni kuria.
Periode aima “sarana” ampa ‘panorang’ na boi pakeion ni gereja laho patorsahon pargoluhan ni kuria dalam artian holistic positif. Lambin torsa janah toras ma kurianta bani organisasi, aima ongga age haporsayaon hubani Tuhan. Maningon do homa pangkei pangarusion pasal on, halani haporsayaon lang dihut marperiode, torus do masa bakti ni haporsayaonta. Ase totap atap lang totap hita bani ‘jabatan’ i tongah-tongah ni kuria, hapongkutonta bani horja pangidangon I kuria maningon itumbuhkembankon hita. Halani sedo hubani jolma pertanggung jawaban utama pasal horjanta, tapi hubani Tuhan do. Tuhan Jesus mangkatahon, “Sedo hanima mamilih Ahu, tapi Ahu do na mamilih hanima”. Maningon jimot janah harga ma bahenonta pamilihon ni Tuhan najinalonta. Adong do ungkapan mangkatahon “election for service” artini ipilih ase mangidangi atap melayani. Jadi keterpilihanta botul-botul ma bermuara bani tanggung jawab, tanggung jawab vertical ampa horizontal. Selamat marperiode ma banta, Tuhanta mamasu-masu!
sumber:AB Februari 2010
0 komentar