Anggo natangar marsahapi samah sidea gati do natangar tutur manggan goranni, tutur natipak (orang kedua) lang pantas i gorani be goranni narsahapkon ai, isarani:
1.Mar-kaha = markaha do diri bani binuatni tutur abang diri atap binuatni sanina / sapanganonokon diri siabangan. Anggo naboru diri markaha do homa bani na mambuat bora ni kakakni inang diri.
2.Mar-nasikaha = binuat diri bani abang diri atappe bani sanina/sapanganonkon, siabangan tutur ni hun bandiri.
3.Mar-nasianggikku = bani binuatni tutur anggi diri
4.Mar-anggi = anggo naboru diri bani dalahi halahoan ni anggi diri
5.Mar-ham = Hubani sitorasan hun bendiri atappe hubani na lape nabotoh tutur diri, hubani na kira-kira sa umurhon pakon diri.
6.Mar-handian = Pamakei ni dos songon marham. Lobih lua ope artini anggo i Bandar boi do age bani naboru hataohonon.
7.Mar-dosan = I pakei puang-puang do hata on samah sidea na dob matua
8.Mar-anaha = I pakei puang-puang do hata on bani dalahi nama poso / garama
9.Mar-kakak = Tuturni naboru samah naboru bani abanguni
10.Mar-ambia = Tutur bani nados ganjang diri atappe na i toruh diri umumi sesama dalahi.
11.Mar-ho = Tutur bani nasakkan atap itoruh diri umurni. Adongdo homa i piga-piga daerah na i Simalungun mar-ho hubani binuatni.
12.Mar-hanima = Sobutan bani binuat diri (agak kasar) atap bani sitorahan umur ni hun bandiri (lobih hun bani sahalak),atappe hubani botou diri.
13.Mar-akrora = Sobutan bani tutur si ataskon diri umurni (lobih humbani sahalak).
14.Mar-akkora = Sobutan ni na matua hubani bora na rapat partuturan ni.
15.Mar-tuan = Bani abang pakon bani na lobih tua umurni hun bendiri
16.Marboru = Bani sijolom huta sapari atappe bani haturanan ni raja anggo songon sapari
17.Mar-boru tulang = Bani na mambuat bora tulang diri.
18.Mar-sibursog = Panggorani hubani anak nabaru tubuh anggo dalahi
19.Mar-sitatap = Panggorani hubani nabara tubuh anggo daboru
20.Mar-pang/pan pan nang/nan = partigoranan bani nadob dong tubuh niombah ni isarani anggo tubuh anakhi sikahanan atap dalahi porini, i baen goranni si Goldo. Pang nan-Goldo ma panggoani bani inang.
21.Mar-baya = Tutur daboru hubani na dos ganjangni, atap sa umur bandiri, atappe si posonan hun bendiri.
Tambahan :
1.Anggo manungkun niombahni diri : Pigama niombahmu, atap pigama bodakmu, atap pigama kakimu, atap ma pupusmu.
2.Anggo manungkun tutur diri : Aha do ge morgamu, panogolan ni ise/ marogo aha ma ham, morgo aha na manubuhkon ham / ai ma ase dong uppasa : “Lobei nitoktok bakkar, rigapan ni pardalan-dalan. Lobei nasungkun marga, ase nabotoh partuturan”
0 komentar